Pinay tennis player Alex Eala, naipanalo ang unang laro sa Wimbledon; boxing fight ni John Riel Casimero laban kay Guillermo Rigondaux, itinakda sa Agosto 14.
Naipanalo ng pinay tennis player na si Alex Eala ang first round ng kanyang unang laro sa Wimbledon sa girl’s singles.
Wagi ang 16-year old na si Eala laban sa 17 years old na Argentinian player na si Solana Sierra sa iskor na 6-2, 6-4.
Susunod naman na makakaharap ni Eala si Anne Mintegi Del Olmo ng Spain sa second round ng girl’s singles sa Wimbledon.
Samantala, itinakda naman sa Agosto katorse ang laban ng Pinoy boxer na si John Riel Casimiro laban sa beteranong Cuban boxer na si Guillermo Rigondeaux.
Gaganapin ang Casimero-Rigondeaux fight sa Dignity Health Sports Park sa Carson, California.
