LUBOS ang pasasalamat ni Turkish Ambassador Zagreb Yavuz Selim Kiran kay Luka Modric sa kanyang pagdonate ng kanyang 2022 World Cup worn jersey sa mga naging biktima ng lindol sa Turkiye.
Sa naging mensahe ni Modric, ito ang kanyang paraan upang makapagbigay ng kaginhawaan kasabay ang mga panalangin para sa mga lubos na nahihirapan ngayon sa Turkiye.
Maliban kay Modric, sina Croatian central defender na si Josko Gvardiol at goalkeeper Dominik Livakovic ay nag-donate rin ng kanilang mga jersey at guwantes sa mga biktima ng lindol.
Kilala si Luka Modric dahil sa pagkapanalo nito ng 5 UEFA Champions League, 4 FIFA Club World Cup, 3 Spanish La Liga title, at 3 UEFA Super Cups.
